٢٥ دقيقة عن الفرق بين التعليم والتعلُم

اكتشفنا بعد دراسة عميقة نظريا و بعدين عمليا و لسه ما زلت بتبهرنا بعد السنة ال٢٠

ان في فرق قوي جدا بين الكلمتين التعليم و التعلُم و الفرق هنا ان واحد منهم فيها الطفل مفعول به و التانيه الفاعل …..

ايه رايكم هل تحبوا تكونوا فاعل ولا مفعول به انتم شخصيا و الاجابة بتنعمس على طفلك !

خلال ال٢٠ سنة الي فاتت اشتغلت مع اطفال كتير من مختلف المستويات و النتجية تتلخص في ان احنا بنتعامل مع الطفل انه مفعول به

• لازم يتعلم الكتابة و يمسك قلم من بدري عشان يعرف يكتب
• احفظه الالوان واسماء الحيوانات عشان انترڤو المدرسة
• تعوده انه يقعد هادي عشان الناس ماتتضايقش منه
• متعملوش عشان متزعلش حد
• هجبلك حاجه حلوة لما تسمع الكلام

مع العلم ان الطفل حاضر معانا بامكانيات تعلُم اقوي و احسن من اي حاجه احنا ممكن نوفرها له

الفرق الوحيد ان هو محتاج و قادر بيني شخصيته عن طريق المعطيات في البيئة و من البلغ

لكن الباغ المساره في اتجاه مختلف تماما !!!

مثلا : ان الطفل محتاج حرية الحركة عشان يقدر يوزن التأزر بتاع جسمه اولا

و بعد كده يوزن حركة يديه ( قبل ما يبتدي يمشي )

محتاج يلمس و يجرب و يكرر

محتاج فرصة الاختيار و المشاركة

محتاج يسرح و يزهق و يتوجع

عشان كل دي مشاعر طبيعية هو يعرف يكبر بها

محتاج الشعور بالامان اولا و ده من خلالنا

قبول اخطائه البسيطة و هو اصغر يقدر يميز بدري الثغرات لما يكبر

محتاج ارض صلبة متزنة عشان يقدر يكون قادر على الاستقبال

كل ده يحصل في جو ايجابي وخارج حدود التحكم و السيطرة عليه

في جو هادي عطوف في تواجد عاطفي

في ثبات في المواقف المختلفة

محتاج لغة ايجابية من البالغ

لغة طيبة و مشجعة لنموهم

و اول ما نقدر نحوله لفاعل ساعتها هو بيقدر يكمل لوحده

و دي اهم خطوة عشان الطفل يرضي بستقبل اي نوع من التواصل مننا

كمدرسين او اهالي تعليم منزلي

ضروري جدا نعرف الطفل كويس جدا ونعرف نتخطى كل التحديات بيننا الاول و متولدش و نخترع تحديات جديدة معاه عشان هو يشغل الرسيڤر من عنده

مثال علينا الكبار ، لو حد على طول الخط ليتحدونا و على طول متحكم فينا باسلوب الامر غالبا مش هتقبل منه معلومة بسهوله مش كده؟؟؟

حد فكر قبل كده ليه بنسمي التعليم في سن اسمه KGيعني Kinder garden

حديقة الاطفال مش لان من اهم مقومات التعلُم عند الطل و اهمها له حي الحركة عشان نوصل للتوازن الجسدي العقلي اولا الي بعد شويه بيتحول لاتزان فكري يساعده على التركيز في اهتماماته

لان لما نفرض على الطفل في السن ده يقعد اكثر من ٤-٧ دقائق عشان نعوده في اغلب الحالات بيتحولوا الي قميلة موقوته تنفجر مع اول شخص يتعرض لهم بتحدي …….بدل ما نمشي مع احتياجه بالترتيب ، بنمشي حسب الي احنا شايفينه عشان فاكرين اننا بنلحقهم من الضياع !!!

مع ان هما نادين لنا بنظام تعلُم ذاتي في الفترة من ٠-٦ سنوات لو احنا حريصين على شخصياتهم الحقيقة دورنا اننا نوفر لهم بيئة طيبة حره خاليه من العثرات و التحديات و ساعتها مفيش حاجه ممكن توقفه عن التعلُم و بيصبح التحفيز الذاتي هو وقوده في ظل الحرية ، استقرار يفيض الامان

كمدريسن اهم وظفة لنا اننا نساعد الطفل الضعيف و عنده تحديات مش نحمل عليه فشله

اما امهات التعليم المنزلي ارجوا ان اولادكم مايفقدوش امهاتهم لان المهارات ساعتها بتتحول الي مدرسة ٢٤ ساعة و تختفي روح الامومة ساعتها بتختفي بالنسبة للطفل

و اخيرا مهم نكون فهمين الاولويات و ان المنهج و الادوات مش اهم حاجه و انهم معمولين عشان الطفل يستفيد منهم مش العكس

و كمان هقول ان النمو النفسي و الاجتماعي للطفل هو الي هيميزه في المستقبل

لاننا نعرف ناس كتير عندها مواهب و قدرات خارقة لكن كل الي بياثر عليهم تحديات نفسية اخلاقية واجتماعية

و المميز ولو بنفس قدر التعليم هيكون هو المميز المطلوب

فكروا لو فعلا عيزين اولادنا يكونوا بالغين مميزين في مستقبل حياتهم اذا دراسة النمو النفسي للطفل هتكون خطوة مهمه جدا لكم ولاولادكم

نهاركم جميل