الارنب البطران
إعداد: زينب كمال
التاريخ 8 يوليو 2019
اسم الحكاية – الارنب النمرود
التاريخ 10 يوليو 2019
اسم الحكاية – الارنب البطران
الحكاية الشعبية الاصلية
القصة ان في ارنب متعود كل يوم انه بياكل اكله عبارة عن خس و جزر فا في يوم مامته قدمت له نفس الاكل اللي بياكله كل يوم اللي هو الخس و الجزر فا اتعصب جدا و قال لها لا انا كل يوم باكل خس و جزر مش كل يوم خس و جزر و قال لها مش هاكل و خرج و رزع الباب وراه و ساب البيت و مشي و هو ماشي فالطريق غضبان جدا قابل كلب قال له مالك قال له كل يوم باكل خس و جزر خس و جزر لما زهقت قال له سيبك انت و تعالى كل معايا العضمة دي قال الارنب للكلب لا مش بحبها و بعد شوية قابل الفرخة و سالها عندك حاجة اكلها قالت له عندي حبوب تعالى كل قال لها لا مش بحبها و هو معدي عالبحر لقى سمكة طلعت من الميه قال لها انا عايز انزل اعوم و اكل زيك و الكلام ده فا حاول ينزل يعوم و يشوف اكل السمكة دي ايه لقى نفسه مش عارف يعوم زيها ولا عارف ياكل الاكل بتاعها فا طلع عالشط و قعد يستريح عالشجرة لقى العصفورة بتاكل حبوب فا قال لها انا عايز اطلع عالشجرة و اكل زيك بس العصفورة قالت له لا انت مش هاتعرف تطير و تاكل زي فا راح و قابل بردو البطة اللي كانت قاعدة عالبحيرة و كانت بتاكل بردو الاكل بتاعها اللي هو الاسماك و الحبوب و كده فا جه ياكل الاكل اللي زيها فا بردو ماعرفش المهم جرب حاجات كتيرة و حاول ان هو ياكل لاقى ان كل واحد له طبيعة حياته و اكله المختلف و فضل يتمشى شوية و هو بيفكر فا عرف ان هو غلط لان هو اتنمرد على الاكل بتاعه و رجع لامه و اعتذر لها و قال لها انا اسف و كده يعني
| الشخصيات |
|
الحكاية بعد التغيرات
كان يا مكان كان مرة في ارنب متعود انه كل يوم ياكل خس و جزر و في يوم صحي الارنب من النوم لاقى امه محضرة له الخس و الجزر لكنه اتعصب جدا و قال لها لا انا كل يوم باكل خس و جزر مش كل يوم خس و جزر و قال لها مش هاكل و خرج من البيت غضبان و مشي راح المدرسة من غير فطار بس وهو ماشي بطنه صوصوت من كتر الجوع و هو في طريقه شاف كلب الكلب ده قال له مالك قال له الارنب انا كل يوم باكل خس و جزر خس و جزر لما زهقت قال له الكلب طب سيبك انت و تعالى كل معايا العضمة دي قال الارنب للكلب لا مش بحب العضم و كمل طريقه و بعد شوية شاف فرخة و سالها عندك حاجة اكلها قالت له عندي حبوب تعالى كل قال لها لا الحبوب بتوجعلي بطني و هو معدي عالبحر لقى سمكة على وش الميه قال لها انا عايز انزل اعوم و اكل زيك قالت له اتفضل فا حاول ينزل يعوم و يشوف اكل السمكة دي ايه لقى نفسه مش عارف يعوم زيها ولا عارف ياكل الاكل بتاعها فا طلع عالشط بينهج من التعب و الجوع و قعد يستريح عالشجرة لقى طير ابو قردان بياكل دودة فا قال له انا عايز اطلع عالشجرة و اكل زيك بس ابو قردان قال له لا انت مش هاتعرف تطير و تاكل زي فا راح اتغاظ و مشي و بعد شوية شاف بطة شكلها مبسوط بتبلبط فالبحيرة و اصطادت سمكة قالت له اتفضل معاية دي سمكة لسة طازة فا جه ياكل السمكة ما قدرش يقرب لها و فضل يتمشى شوية و هو بيفكر انه قابل حيوانات كتير و حاول ياكل زيهم و لاقى ان كل واحد فيهم له طبيعة جسمه و اكله فا عرف ان هو غلط لان هو اتبطر على الاكل بتاعه و وصل المدرسة و قعد اليوم كله جعان لغاية ما روح بيته و رجع لامه و اعتذر لها و قال لها انا اسف و باس ايديها و بعد كده راح الغيط و ساعد ابوه و قعدوا كلهم في جحر تحت شجرة ياكلوا خس و جزر
و توتة توتة فرغت الحدوتة
| الشخصيات |
|
الدروس المستفادة
كل حيوان او كائن له جسم غير التاني و كل جسم و له اكله المفيد له