النصاب
إعداد: زينب كمال
من كتاب القصص الشعبي في الدقهلية
الحكاية الشعبية الأصلية
صلي ع النبي
راجل كان مفتح من أهل زمان، و بعدين، عايز يشتغل بطريقة نصب- ينصب ع العالم- و بعدين قام واحد قطع عليه، واللي قطع عليه، الراجل ده برضه يعز عليه شوية. فجاله قال له: “عايز جنيه سلف يا عم فلان”، فمش عايز يكسفه قام طلع الجنيه راح حططهوله في الطاقة.
قال له:”خد الجنيه من الطاقة دي” فخده.
فصن يومين تلاتة، و جاله: “الجنيه بتاعك يا عم فلان اهه”.
قاله:”حطه في الطاقة زي ما كان”.
صن يومين تقريبا:”جنيه يا عم فلان”.
قال له:”خده من الطاقة.”
خده من الطاقة، خده ماجابوش
قام قال له:”جنيه يا عم فلان-مروءة”.
قال له:”شوفه فالطاقة”.
قال له:”مفيش حاجة”.
قال له:”لو كنت جبته كنت التقيته”.
| الشخصيات | النصاب و الراجل المفتح |
| الزمان و المكان | لا توجد دلالات |
| دلالة تاريخية | لا توجد |
الدروس المستفادة –
طلب المساعدة غير الاستغلال
التعليقات
المزيد